1993-cü ilin mayında partiya sədri ilə yaranmış ciddi fikir ixtilafını (hakimiyyətə qarşı zorakı vasitələrlə mübarizə aparmağı düzgün saymadığına görə 1993-cü ilin mayında Sumqayıt şəhərində planlaşdırılan mitinqi dayandırmaq barədə qərar verdiyinə görə partiya rəhbərliyini narazı salmışdı) nəzərə alaraq partiyanın üzvlüyündən çıxmışdır.

1994-cü ilin əvvəllərində fəxri sədrinin Azərbaycan Prezidenti Heydər Əliyev, sədrinin həmin dövrdə Daxili İşlər nazirinin müavini vəzifəsində işləyən Rövşən Cavadov olduğu Azərbaycan Demokratik Gənclər Birliyinin yaradılmasına rəhbərlik etmiş və oktyabrın 5-ə qədər Azərbaycan Demokratik Gənclər Birliyində sədrin I müavini vəzifəsində çalışmışdır. 1994-cü il oktyabr hadisələrində Azərbaycan Prezidentini müdafiə etdiyinə və birliyin sədri R.Cavadovla əks mövqedə dayandığına görə yaranmış fikir ayrılığından sonra vəzifəsindən azad edilmişdir. 5 oktyabr 1994-cü ildə imzalanmış həmin əmrdə deyilirdi: “ADGB sədrinə etimadsızlıg göstərdiyinə və təşkilatı parçaladığına görə sədrin I müavini vəzifəsindən azad olunsun”.

Abutalıb Səmədov 1994-cü ilin oktyabrında Azərbaycan Naminə Alyans Partiyasının təşkilat komitəsinə rəhbərlik edib və partiyanın sədri seçilib. ANAP mərkəzçi partiya olub Azərbaycanda orta təbəqənin formalaşmasını və güclənməsini özünün əsas vəzifəsi sayır. Kiçik və orta sahibkarlığın inkişafını zəruri sayan partiya Azərbaycan iqtisadiyyatının dirçəlməsində kənd təsərrüfatına böyük önəm verir. “Güclü dövlət güclü və sağlam vətəndaşların vasitəsilə yarana bilər” fikrini əsas götürən partiya bu yöndə bir neçə proqram hazırlayıb.

1997-98-ci illərdə Azərbaycan Dövlət Qaçqınlar Komitəsinin sədr müavini vəzifəsində işləmişdir.

1990, 1995, 2000-ci illərdə parlament seçkilərində namizəd kimi iştirak etmiş və 2001-ci il Parlament seçkilərində 99 saylı Şəmkir seçki dairəsindən Azərbaycan Respublikası Milli Məclisinin deputatı seçilmişdir.

Ailəlidir, 3 övladı var.