ANA SƏHİFƏ
SEÇİN Kİ, SEÇİLƏSİNİZ! 15 oktyabr 2003-cü il Azərbaycan Respublikasının Prezidenti seçkiləridir.
daha çox oxuyun    [1] [2] [3] [4] [5] [6] [7] [8] [9]
[31.10.2003]   Prezident seçkilərinin yekunları müzakirə olunacaq
Noyabrın 5-6 -da Kişinyovda Avropa Şurası Nazirlər Komitəsinin (AŞNK) 113-cü iclasında Azərbaycanda prezident seçkilərinin yekunlarının müzakirə ediləcəyi gözlənilir.
Bu barədə AR XİN başçısı Vilayət Quliyev məlumat vermişdir. Onun dediklərinə görə, "çox güman ki, AŞNK bu seçkilərə öz münasibətini bildirəcək". V.Quliyev demişdir ki, "bu barədə biz Avropa Şurası ilə fikir mübadiləsinə hazırıq" və qeyd etmişdir ki, noyabrın 6-da AR XİN başçısının AŞ -nın baş katibi Valter Şvimmerlə görüşü planlaşdırılır. O, demişdir ki, "çox güman ki, bu görüşdə əsas diqqət baş vermiş seçkilərə yetiriləcək". Xatırladaq ki, AŞNK bu çox qədim panavropa təşkilatının rəhbər orqanıdır, bu orqan 1949-cu ildə yaradılmış və onun orqanları vasitəsilə AŞ üzvü olan ölkələrin hökumətləri AŞ -ın siyasi qərarlarının qəbul edilməsində bilavasitə iştirak edə bilərlər. Trend
[31.10.2003]   Bu gün prezident Qurana əl basacaq
Bu gün Azərbaycanın sayca 4-cü prezidenti olan İlham Əliyev inauqurasiya mərasimindən sonra prezident səlahiyyətlərinin icrasına başlayacaq.
Mərasimin keçiriləcəyi Respublika Sarayında dekorasiya işlərilə yanaşı, binanın mühafizəsinə də xüsusi diqqət yetirilib. 2400 qonağın iştirakıyla keçiriləcək andiçmə mərasimi Kamera teatrının rejissoru Cənnət Səlimovanın ssenarisi əsasında gerçəkləşdiriləcək. İlham Əliyevin andiçmə mərasimində iştirak etmək üçün üçün Bakıya prezident Eduard Şevardnadze başda olmaqla Gürcüstanın rəsmi təmsilçi qrupu, İranın vitse-prezidenti Məhəmməd Əptahi, Ukrayna baş naziri Viktor Yanukeviç, Rusiya Federasiya Şurasının sədri Sergey Mironov, Türkiyə hökuməti baş nazirinin müavini Abdullətif Şener, MDB icraçı katibi Yuri Yarov, Rusiya XİN başçısı İqor İvanov və b. gələcəklər. Amma bu, tam siyahı deyil, yüksək vəzifəli qonaqların sayı daha da arta bilər. Andiçmə mərasimindən sonra “Gülüstan” sarayında qonaqların şərəfinə konsert proqramı ilə qəbul planlaşdırılır. Bunun ardınca isə Azadlıq meydanında yüksək səviyyəli bayram proqramı olacaq. Tədbirin təşkilatçısı, Bakı şəhər İcra Hakimiyyətinin başçısı Hacıbala Abutalıbovun sözlərinə görə, saat 22.00-də misli görünməmiş atəşfəşanlıq olacaq. 20 dəqiqə davam edəcək yaylım atəşinin fişəngləri 500 metr hündürlüyə və 300 metr ətrafa yayılacaq. Qeyd edək ki, İlham Əliyevin andiçmə mərasimində müxalifət təmsilçilərinin iştirakı da nəzərdə tutulub. Hakim partiya bütün müxaliflərin tədbirə dəvət edəcək. Müxalifət partiyaların iqtidarın bu jestinə yanaşması isə xeyli müxtəlifdir. Vətəndaş Həmrəyliyi Partiyasının sədri Sabir Rüstəmxanlının fikrincə, ölkədə Milli Həmrəylik bərpa edilməli, siyasi partiyalar birgə fəaliyyət göstərməlidirlər. Rüstəmxanlı yeni prezidentin inauqurasiyasında iştirak edəcəyini bildirib. O, digər müxalifət partiyalarının da bu tədbirdə iştirakına ümid etdiyini söyləyib. AXCP(i) sədri Əli Kərimli isə inauqurasiya törəninə qatılmaq fikirlərinin olmadığını bildirib. AXCP(i) sədrindən fərqli olaraq, Milli İstiqlal Partiyasının sədr müavini Məhərrəm Zülfüqarlı tədbirdə iştiraklarını istisna etməyib. Milli Həmrəylik tərəfdarı oldğununu bildirən Zülfüqarlı “bir-birini tanımamaq, bir-birini inkar etmək bolşevizm təfəkkürüdür. Milli İstiqlal Partiyası bu təfəkkürdən uzaqdır”,- deyə vurğulayıb. Ədalət Partiyasının sədri İlyas İsmayılov dəvət alacağı təqdirdə məsələnin partiyada müzakirə ediləcəyini bildirib. AXCP-nin birləşdiricilər qanadının sədri Qüdrət Həsənquliyev tədbirə dəvət alarsa, mütləq iştirak edəcəyini bildirib. Amma seçkiyə qədər konstruktivliyilə seçilən ALP lideri Lalə Şövkət törənə qatılmayacaq. Bu barədə “Mərkəz”ə açıqlamasında partiyanın Səbayel rayon təşkilatının sədri Xaliq Əliyev bilgi verib. Ancaq o, bunu adi bir səbəblə izahlayıb: “Lalə Şövkət ineaqnurasiya mərasimində dəvətnamə göndərilmədiyi üçün iştirak etməyəcək”. YAP-ın icra katibinin müavini Bahar Muradova isə bildirib ki, “İstər müxalifət, istərsə də iqtidarda olan şəxslərin hamısı Azərbaycan vətəndaşıdır. Prezident də ölkə prezidentidir. Ona görə də mən bu tədbirdə müxalifət nümayəndələrnin iştirakına normal və təbii baxıram”. Siyasi Texnologiyalar və İnnovasiyalar Mərkəzinin direktoru Mübariz Əhmədoğlunun “Mərkəz”ə bildirdiyinə görə, istənilən halda müxalifət liderləri inauqurasiya mərasiminə qatılmalıdır və bu, demokratik təfəkkür, sivillik əlaməti sayılır.  Mərkəz
[29.10.2003]   Seçkilə bağlı son qərar verildi
  Konstitusiya Məhkəməsi İlham Əliyevi Azərbaycanın prezidenti elan etdi
Dünən Konstitusiya Məhkəməsi 15 oktyabr prezident seçkisilə bağlı MSK-nın yekun protokolunun təsdiqlənməsi və seçkidə yüksək səs toplamış şəxsin elan edilməsi məsələsinə baxıb.

İclasda Konstitusiya Məhkəməsinin hakimlərilə yanaşı, MSK sədri Məzahir Pənahov, sədr müavini Svetlana Qasımova, katib İnqilab Nəsirov, Vidadi Mahmudov və digər komissiya üzvləri də iştirak ediblər. Ђncə hakim Sona Salmanova Konstitusiya Məhkəməsində 15 oktyabr seçkilərilə bağlı nəticələrin təsdiq və elan edilməsilə bağlı hüquqi əsaslar haqda bilgi verdi. Daha sonra dedi ki, MSK-nın və DSK-nın protokolları uyğun komissiyalar tərəfindən araşdırılır. Bu işin həyata keçirilməsi üçün Statistika Komitəsindən də ekspertlərin cəlb olunduğu vurğulandı. Araşdırmalar zamanı əlavə şikayətərin daxil olmadığı bildirildi. Qeyd edək ki, nəticələri ləğv edilmiş məntəqələrdən sonra 2.421.661 səs etibarlı hesab olunub. Bundan da 1.860.463-ü İlham Əliyevin lehinədir.

 Hakimlərin qısa arayışından sonra Konstitusiya Məhkəməsinin sədri Fərhad Abdullayev maraqlı subyekt qismində sözü MSK sədri Məzahir Pənahova verdi. O, prezident seçkilərinin keçirilməsində komissiya üzvlərinin gərgin işlədiklərini önə çəkdi və bir sıra yeniliklərin olduğunu bildirdi. Bura yeni beynəlxalq standartlara cavab verən Seçki Məcəlləsinin hazırlanmasını, şəffaf qutuların gətirilməsini, bülletenlərin və protokolların nömrələnməsini aid etdi və bildirdi ki, bu seçkiləri 43 minə yaxın yerli, 1000-dən yuxarı isə xarici müşahidəçi izləyib: “Bir çox beynəlxalq müşahidəçilər də seçkilərin nəticələrindən tam razı qaldılar. Və bu cür seçkinin bir sıra demokratik ölkələrdə keçirilmədiyini bildiriblər. Seçicilərin aktivliyini xüsusilə qeyd etmək olar. Məhz bunun nəticəsində ümumi seçicilərin 71 faizdən çoxu - 3.164.348 nəfər səsvermədə iştirak edib. Müxtəlif səbəblərdən 694 məntəqədə seçkilərin nəticələri ləğv edildikdən sonra 2.421.661 səs etibarlı sayılıb”. Bunlardan sonra F.Abdullayev M.Pənahova “Siz DSK-lardan protokolları hansı şikayətlər əsasında qəbul etmişdiniz” sualını verdi. MSK sədri isə öz növbəsində bildirdi ki, DSK-dan protokolların tələb edilməsi müəyyən qanun pozuntularıyla bağlı daxil olmuş informasiyalarla əlaqəli idi: “Yəni biz seçkinin tam demokratik keçdiyinə əmin olsaq da, bəzi qanun pozuntuları haqqında informasiyalar gəlirdi. Ona görə də bir daha DSK-nın protokollarıyla tanış olmaq istədik”. MSK katibi Vidadi Mahmudovun çıxışı isə əsasən tənqid və qərəz üzərində qurulmuşdu. O, hələ lap əvvəldən qanun pozuntularının olduğunu bildirdi. Belə ki, bu prosesin namizədlərin qeydə alınması, təşviqat və səsvermə zamanı nəzərə çarpdığını söylədi: “Mən hesab edirəm ki, seçkinin nəticələrinə hüquqi qiymət vermək üçün həmin seçkinin keçirilmə şəraitilə tanış olmaq vacibdir. Məhz baş verən qanun pozuntularını nəzərə alaraq, sizdən nəticələri təsdiq etməməyi xahiş edirəm”. Hakimlərdən biri Vidadi Mahmudova “Siz bir çox seçicilərin adlarını seçici siyahısına daxil edilmədiyini bildirirsiniz. Bu “bir çox”un konkret nə qədər olduğunu və bunun seçkinin nəticələrinə təsir edib-etməyəcəyini bizə deyə bilərsinizmi” sualını verdi. Bu sualın qarşısında pat vəziyyətinə düşən Mahmudov həmin seçicilərin sayının dəqiqləşmədiyini bildirdi: “Amma Abşeron rayonunun 8 saylı məntəqəsində 581 nəfərin adı siyahıda olmayıb. Əgər hansısa seçicinin hüququ pozulursa, buna mütləq hüquqi qiymət verilməlidir”. Konstitusiya Məhkəməsinin sədri isə MSK katibindən nə üçün xüsusi rəy hazırlamadığını soruşdu. Cavabında V.Mahmudov bunu DSK-dan daxil olmuş sənədlərlə tanış olmamasıyla izah etdi. Və bildirdi ki, ona MSK rəhbərliyi həmin şəraiti yaratmayıb. V.Mahmudovun çıxışıyla razılaşmayan MSK-nın digər katibi İnqilab Nəsirov bildirdi ki, komissiyaların bu cür formalaşması dünyanın əksər dövlətləri tərəfindən müsbət qiymətləndirilib: “İstər DSK-larda, istərsə də MSK-da heç bir qanun pozuntusuna yol verilməyib. Bu barədə deyilən fikirlərin heç biri fakta söykənməyib. Vidadi Mahmudov bildirdi ki, məntəqələrin bəzilərinə məktəb direktorları rəhbərlik ediblər. Burada heç bir qanun pozuntusu yoxdur. Yəni məktəb direktorlarının və müəllimlərinin məntəqə üzvü olması tam qanunauyğundur”. Nəsirov təşviqat zamanı namizədlərə bərabər şərait yaradıldığını söylədi. O, eyni zamanda müxalifətdən olan namizədlərin və komissiya üzvlərinin müəyyən poblemlər yaratdıqlarını da dilə gətirdi: “Onlar indi qanun pozuntusundan danışırlar. Hansı ki, Müsavat Partiyasının maliyyə hesabatıyla əlaqədar bizə təqdim etdiyi sənədlərdə bir sıra qanun pozuntuları mövcud idi. Yəni fiziki şəxsin namizədin hesabına minimum əmək haqqının 50 misli qədər pul köçürmək hüququ olduğu halda, bundan artıq köçürmələr olub. Lakin onlar sonra bu sənədləri gizlətdilər”. Siyahılarda seçicilərin adının olmaması haqda deyilən fikirlərə gəlincə, İnqilab Nəsirov bildirdi ki, həmin gün 13.000 belə şəxsin səs verməsinə imkan yaradılıb və bu cür hallar seçkinini nəticəsinə heç bir təsir göstərməyib. MSK üzvü Fuad Cavadov öz çıxışında seçkidə ən çox problem yaradanların müxalifətdən olduğunu bildirdi. Onun sözlərinə görə, müxlifətdən olan komissiya üzvləri qanunun imkan vermədiyi üsul və vasitələrdən istifadə edərək, seçki prosesinə əngəl yaratmaq istəyirdilər. “Xalqı üsyana çağırırdılar, bundan başqa, “Bizim Azərbaycan” Blokunun üzvləri DSK sədrlərinin ələ alınması üçün müxtəlif cəhdlərə əl atıb, onlara külli miqdarda pul təklif ediblər”. Sədr müavini Svetlana Qasımova da müxalifətdən olan komissiya üzvlərinin seçkinin obyektiv keçməməsi haqda söylədikləri fikirlərin əsassız olduğunu bildirdi. Bundan sonra Konstitusiya Məhkəməsinin sədri seçkinin nəticələrini araşdırmaqda iştirak etmiş ekspertlərin rəyini öyrənmək üçün Statistika Komitəsnin əməkdaşı Həlimə Hüseynovaya söz verdi. O, Statistika Komitəsinin ekspertlərinin araşdırması zamanı heç bir qanun pozuntusuna rast gəlinmədiyini və MSK-nın 20 oktyabr protokolunun Seçki Məcəlləsinin maddələrinə tam uyğun şəraitdə tərtib edildiyini bildirdi. Yarım saatlıq fasilədən sonra F.Abdullayev Konstitusiya Məhkəməsinin seçkinin nəticələrinin təsdiq və elan edilməsilə bağlı qərarını açıqladı. O, araşdırmalar zamanı etibarlı sayılan 2.421.661 səsdən 1.860.346-nın İlham Əliyevə verildiyinin təsdiq olunduğunu bildirdi. Bütün bunları əsas götürərək,
Konstitusiya Məhkəməsi qərara aldı:
1. 15 oktyabr seçkilərinin yekun protokolu təsdiq olunsun.
2. İlham Əliyev Azərbaycan Respublikasının prezidenti elan edilsin.
3.Konstitusiya Məhkəməsinn qərarı qətidir və heç bir orqan tərəfindən dəyişdirilə bilməz.
Beləliklə, dünən İlham Əliyev ölkənin qanuni prezidenti elan olundu. Oktyabrın 31-də isə onun and içəcəyi gözlənilir. 
 Mərkəz
[28.10.2003]   Konstitusiya Məhkəməsi bu gün toplaşır
Konstitusiya Məhkəməsi İlham Əliyevin prezidentliyini təsdiq etmək üçün bu günə iclas çağırıb.
Təsdiqetmədən sonra keçiriləcək andiçmə mərasiminə xarici dövlətlərdən qonaqlar dəvət edilməyib. Bununla belə, Prezident Aparatının beynəlxalq əlaqələr şöbəsinin müdiri Novruz Məmmədov inaqurasiya mərasiminə xarici ölkələrin ölkəmizdəki səfirlərindən başqa, əcnəbi qonaqların da qatılacağını istisna etməyib.  Mərkəz
[22.10.2003]   Piter Aykerin Azərbaycanda missiyası başa çatıb
ATƏT-in Demokratik Təsisatlar və İnsan Haqları Bürosunun (DTİHB) müşahidəçilər missiyasının rəhbəri Piter Aykerin Azərbaycanda fəaliyyəti başa çatıb.
 Xarici İşlər Nazirliyinin mətbuat mərkəzindən "Trend"ə verilən məlumata görə, missiyanin fəaliyyəti ilə bağlı dünən XİN başçısı Vilayət Quliyev və Piter Ayker tərəfindən müzakirə aparılıb. Yüksək səviyyəli ekspert Azərbaycan hökumətinə prezident seçkilərində müşahidəçi missiyasını həyata keçirmək üçün yaratdığı şəraitə görə təşəkkürünü bildirib. O, nazirə öz fəaliyyətinin yekunları haqqında məlumat verib. V.Quliyev deyib ki, Azərbaycanda ədalətli və demokratik əsaslarla keçirilmiş prezident seçkiləri demokratik cəmiyyət quruculuğu istiqamətində görülən tədbirlərin məntiqi davamı kimi qiymətləndirilir. Azərbaycanın beynəlxalq təşkilatlarla əməkdaşlığa xüsusi əhəmiyyət verdiyini vurğulayan nazir Azərbaycanda prezident seçkilərində çoxsaylı müşahidəçilər missiyasının fəaliyyətini yüksək dəyərləndirib. Trend
[22.10.2003]   Konstitusiya Məhkəməsi üç gündən sonra rəsmi qərar verəcək
 Mərkəzi Seçki Komissiyasının katibi İnqilab Nəsirov "Olaylar"a bildirib ki, oktyabrın 21-də prezident seçkilərinin nəticələri ilə bağlı rəsmi protokollar Konstitusiya Məhkəməsinə təqdim edilib. Mövcud qanunvericiliyə görə, Konstitusiya Məhkəməsi 3 gündən az olmayaraq, rəsmi qərar verəcək. Olaylar
[21.10.2003]   694 seçki məntəqəsində seçkilərin nəticələri ləğv edilib
Azərbaycan Mərkəzi seçki komissiyası(MSK) 694 seçki məntəqəsində seçkilərin nəticələrini ləğv etmişdir.
Bu barədə MSK oktyabrın 20-də axşam iclasında qərar qəbul etmişdir. İclasda MSK katibi İ.Nəsirov bəyan etmişdir ki, 694 məntəqə 115 seçki dairəsini əhatə edir və ümumi saydan burada 600 min səs prezidentliyə namizəd İ.Əliyevə məxsusdur. Seçicilərin fəallığı 71,2% təşkil edən seçkiləri 44 min müşahidəçi izləyirdi, onlardan 42 mindən çoxu yerli müşahidəçilərdir. Beynəlxalq ekspertlərin müşahidələrinə istinad edən İ.Nəsirovun dediklərinə görə, seçicilərin səslərinin hesablanması qanunauyğun şəkildə və pozuntulara yol verilmədən aparılırdı. Lakin protokolların tərtibində problemlər olmuşdur. İ.Nəsirov belə bir faktı "normal" adlandırdı ki, hərbi hissələrdə yaradılmış 15 seçki məntəqəsində səslərin 100%-i İ.Əliyevə verilmişdir. MSK sədri Məzahir Pənahov məlumat vermişdir ki, MSK-ya seçkilərin gedişindən və nəticələrindən çox az şikayətlər daxil olmuşdur.  Trend
[18.10.2003]   Milli Məclis 15-16 oktyabr hadisələrini pislədi
 PARLAMENT ÜZVLƏRİ 15 OKTYABR SEÇKİLƏRİNİ ƏN DEMOKRATİK VƏ ŞƏFFAF SEÇKİLƏR KİMİ DƏYƏRLƏNDİRDİLƏR
 Dünən Milli Məclisin (MM) növbədənkənar iclası keçirilib. İclasda 15 oktyabr prezident seçkilərindən sonra ölkədə yaranmış ictimai-siyasi durumla bağlı məsələ müzakirə edilib. Spiker Murtuz Ələsgərov bir neçə gün öncə ölkədə prezident seçkilərinin keçirildiyini və seçkilərin nəticələrinin artıq Mərkəzi Seçki Komissiyası (MSK) tərəfindən elan olunduğunu bildirib: "Bu seçkilər çox yüksək səviyyədə, azad, demokratik və şəffaf şəkildə keçirildi. Hətta qeyd edim ki, bir sıra Avropa ölkələrində də bu cür demokratik seçkilər olmayıb". Sonra spiker müalicə məqsədilə xaricə getməyə hazırlaşdığı üçün sözü növbədənkənar olaraq Azərbaycan Kommunist Partiyasının (AKP) sədri Ramiz Əhmədova verib.
"15 oktyabr seçkiləri sözün həqiqi mənasında MDB məkanında nümunəvi seçkilər adlandırıla bilər" - deyən R.Əhmədov 15 oktyabr seçkilərinin çox demokratik və ədalətli keçdiyini söyləyib. R.Əhmədov öz çıxışında məğlubiyyətləri ilə barışmaq istəməyən qüvvələrin ünvanına kəskin fikirlər səsləndirib, onların xarici ölkələrin bəzi maliyyə qurumları tərəfindən maliyyələşdirildiyini, eyni zamanda, müvafiq orqanların bu məsələyə lazımi reaksiya vermədiyini bildirib: "ABŞ Dövlət Departamenti bu yaxınlarda öz hesabatında açıqladı ki, 2002-ci ildə Azərbaycan müxalifətinə nə qədər yardım edilib. Ancaq "Siyasi partiyalar haqqında" qanuna görə, heç bir siyasi təşkilat xaricdən maliyyələşə bilməz. Belə olan halda biz nəyə görə bu məsələyə göz yumuruq?". "Xalqımız bu hadisələrdən ciddi nəticələr çıxarmalıdır" -deyən millət vəkili Fəttah Heydərov 15-16 oktyabr hadisələrinin iştirakçılarının və təşkilatçılarının cəzalandırılmasını tələb edib: "Heç bir qüvvə bu hadisələri törədən qüvvələrin cinayətkarlığının davam etdirilməsinə yol verə bilməz.
Qoy həmin qüvvələr bilsinlər ki, onlar bir daha Azərbaycanda çaxnaşma sala bilməyəcəklər. Bir sözlə, Azərbaycanın müstəqilliyini heç kim sarsıda bilməz". Yeni Azərbaycan Partiyası (YAP) icra katibinin müavini, millət vəkili Mübariz Qurbanlı müxalif qüvvələrdən fərqli olaraq aparıcı dövlətlərin və beynəlxalq təşkilatların 15 oktyabr seçkilərinin nəticələrini tanıdığını, onların bu seçkiləri demokratik və ədalətli hesab etdiklərini dilə gətirib: "Qeyd edim ki, dünyanın hər yerində seçkilərdən sonra müxalifətçilər seçkilərlə bağlı müxtəlif bəyanatlar verirlər. Ancaq çox təəssüf edirəm ki, Azərbaycan müxalifəti başqa ölkələrin müxalifətindən fərqli olaraq öz məğlubiyyətini etiraf edə bilmədi. Onlar hələ də ötən əsrin 80-ci illərinin axırları, 90-cı illərinin əvvəllərindəki düşüncə, təfəkkür tərzindən uzaqlaşa bilməyiblər". M.Qurbanlı 15 oktyabr seçkilərindən sonra Azərbaycanın siyasi səhnədə İsa Qəmbərlərə, Əli Kərimlilərə, Etibar Məmmədovlara yer olmayacağını və olmadığını iddia edib.
Çünki M.Qurbanlının iddiasına görə, müxalifətçilər seçkilərdən hələ çox-çox öncə mənəvi, siyasi terrorla məşğul olurlarmış: "Onlar ölkədə olan cəzasızlıq mühitindən sui-istifadə edirdilər. Ona görə də inanmaq istəyirəm ki, 15-16 oktyabr hadisələri zamanı iğtişaş törədənlər öz layiqli cəzalarını alacaqlar". M.Qurbanlı çıxışının sonunda Müsavat Partiyasının qapadılmasını təklif edib. "Mən ömrümdə bu cür demokratik seçki görməmişdim" - deyən digər YAP-çı millət vəkili İbrahim İsayev əhalinin seçkilərdə böyük ruh yüksəkliyi ilə iştirak etdiyini, seçicilərin böyük əksəriyyətinin İ.Əliyevə səs verdiklərini və onların müxalifətdən olan prezidentliyə namizədlərə "yox" dediklərini bildirib. Millət vəkili İmamverdi İsmayılov da seçkilərdən sonra müxalifəti ölkədə vəziyyəti gərginləşdirmək cəhdində günahlandırıb: "Seçkilərdən bir müddət əvvəl Seçki Məcəlləsi müzakirə olunanda məndə həm arxayınçılıq, həm də bir narahatçılıq var idi. Arxayınçılıq var idi ona görə ki, seçkilərdə Azərbaycan xalqının mütləq əksəriyyətinin Heydər Əliyev siyasi kursuna səs verəcəyini bilirdim. Narahat idim ona görə ki, biz ifrat dərəcədə demokratik qanun qəbul edirdik. Mənim bu narahatçılığım seçkilərdən sonra özünü doğrultdu, yəni məlum hadisələr baş verdi". İ.İsmayılov da 15-16 oktyabr hadisələrində əli olanların cəzalandrılmasını tələb edib.
 YAP-ın icra katibinin digər müavini, millət vəkili Siyavuş Novruzov Azərbaycan xalqının 15-16 hadisələrindən hiddətləndiyini və həmin hadisələrin təşkilatçılarının cinayət məsuliyyətinə cəlb olunmasını tələb etdiyini dilə gətirib: "Biz həmin hadisələrin təşkilatçılarının qaçıb xaricə getmələrinə də imkan verməməliyik". YAP-ın İdarə Heyətinin üzvü, MM-in regional məsələlər daimi komissiyasının sədri, millət vəkili Zahid Qaralov millət vəkillərini İran parlamentinə müraciət ünvanlamağa çağırıb və fikrini bununla əsaslandırıb ki, sözügedən dövlətin televiziya və radio qurumları Azərbaycanın daxili işlərinə qarışırlar: "İranın televiziya və radiosu İqbal Ağazadəni artıq qəhrəman kimi qələmə verir. Buna dözmək olmaz. Odur ki, təcili İran parlamentinə müraciət ünvanlamaq lazımdır". Z.Qaralovun çıxışından sonra spiker M.Ələsgərovun təklifi ilə MM-in ictimai-siyasi durumla bağlı qərarını hazırlamaq üçün bir neçə nəfərdən ibarət redaksiya komissiyasının yaradılması qərara alınıb. Azərbaycan Dövlət Teleradio Verilişləri Şirkətinin sədri, YAP-ın İdarə Heyətinin üzvü, millət vəkili Nizami Xudiyev ilk növbədə baş nazir İ.Əliyevi seçkilərdə cahanşümul qələbə qazanması münasibətilə təbrik edib: "Vaxtilə Heydər Əliyevin meydanına girə bilməyənlər bu dəfə də onun layiqli davamçısı İlham Əliyevin meydanına girə bilmədilər". N.Xudiyev çıxışında 15-16 oktyabr hadisələri zamanı müxalifətçilərin hərəkətlərini vandalizm, ifrat islam fundamentalizmi və radikal vəhhabiçilik hərəkətləri kimi dəyərləndirib. YAP-ın icra katibinin başqa bir müavini, millət vəkili Bahar Muradova müxalifətçilərin, xüsusilə də İ.Qəmbərlə İ.Ağazadənin ünvanına kəskin fikirlər səsləndirdikdən sonra ATƏT-i tənqid hədəfinə çevirib: "Üzümü Piter Aykerə tutub demək istəyirəm ki, sən Azərbaycanda beləmi demokratiya qurmaq istəyirdin? Bizə belə demokratiya lazım deyil".
"Seçkilər çox demokratik keçib. Bu, onu göstərir ki, xalq öz gələcəyini düşünür". Bu fikirlər isə akademik, millət vəkili Cəlal Əliyevə məxsusdur. C.Əliyevin sözlərinə görə, seçkilərin demokratik keçməsi və İ.Əliyevin seçkilərdə qalib gəlməsi H.Əliyev amili ilə bağlıdır: "Çünki Heydər Əliyev həm 1969-cu ildə, həm 1993-cü ildə hakimiyyətə gələn zaman Azərbaycanı fəlakətdən qurtardı". Sonra akademik müxalifətçilərin ünvanına kəskin ifadələr işlədib, onları muzdlu, faşist, quldur, mənəviyyatsız adlandırıb. C.Əliyev çıxışında beynəlxalq təşkilatların Azərbaycandakı nümayəndələrinin ünvanına da sərt ittihamlar irəli sürüb: "Piter Ayker faşistdir. Məgər o görmür ki, dünya bu seçkilər haqda nə düşünür? Bundan başqa, Andreas Qross da dağıdıcı qüvvələrin muzdlusu kimi çıxış edir. Onlardan yaxşı heç nə gözləmək olmaz". Müzakirələrdən sonra parlamentin redaksiya komissiyasının hazırladığı qərar layihəsi millət vəkillərinin nəzərinə çatdırılıb və həmin qərar deputatlar tərəfindən yekdilliklə qəbul edilib. Qeyd edək ki, sözügedən qərarda 15-16 oktyabr hadisələri, onun təşkilatçıları pislənilir və hüquq-mühafizə orqanlarından tələb edilir ki, məlum hadisələrin təşkilatçıları barədə müvafiq ölçü götürülsün.525ci q əzet
[18.10.2003]   Pozuntular "təkrar prezident seçkilərinin keçirilməsi təhlükəsini yaradır"
ATƏT-in 180 müşahidəçisi təsdiq edir ki, onların missiya başçısı ekspertlərin nəticələrini yumşaltmışdır
 ATƏT-in qısamüddətli müşahidəçilər missiyasının 180 nümayəndəsi bəyan etmişlər ki, öz rəhbərləri Piter Aykerin ilkin nəticələri ilə razı deyillər, o, Azərbaycanda prezident saçkiləri zamanı yol verilmiş kobud pozuntuları "yumşaltmışdır".
"Trend" agentliyinin verdiyi məlumata görə, bu barədə oktyabrın 17-də "Azərbaycan" mehmanxanasında keçirilən mətbuat konfransında müşahidəçilər özləri bəyin etmişlər. ATƏT-in Serbiyadan olan müşahidəçisi Milan Stefanoviç bəyan etmişdir ki, 180 müşahidəçi 125 seçki dairəsinin hamısında olmuş və onların gördükləri pozuntular "təkrar prezident seçkilərinin keçirilməsi təhlükəsini yaradır". Onun dediklərinə görə, səsvermə zamanı çoxsayda pozuntular qeydə alınmış və onlar özləri ayrıca hesabat hazırlamaq niyyətindədirlər. O, həm də məlumat vermişdir ki, gəlmiş beynəlxalq müşahidəçilərin çoxusu "öz işini bilmir" və Azərbaycanın Seçki məcəlləsinin müddəalarından xəbərsiz idilər.
Bundan başqa, onlara müşahidəçilər üçün "düzgün hazırlanmamış" suallar kitabçası təqdim olunmuşdur. M.Stefanoviç bəyan etmişdir ki, Piter Ayker başda olmaqla, ATƏT-in ilkin hesabatını hazırlayanlar cinayət etmiş və bunun üçün cəzalandırılmalıdırlar. Xatırladaq ki, bu ərəfədə P.Ayker bəyan etmişdir ki, Azərbaycan demokratik prezident seçkiləri keçirmək şansını itirdi. P.Ayker sözünə davam edərək demişdir ki, səsvermə zamanı baş verən hədə -qorxular, prezidentliyə namizədlər üçün bərabər şəraitin yaradılmaması, müxalifət partiyalarının mitinqlər və piketlər keçirmək hüquqlarının məhdudlaşdırılması beynəlxalq müşahidəçiləri çox narahat edirdi. Onun dediklərinə görə, həmçinin 600-dən artıq uzunmüddətli müşahidəçilər əvvəlcədən hazırlanmış bülletenləri topa-topa qutulara salınmasının, komissiyalar tərəfindən protokolların tərtibi zamanı yol verdikləri saxtakarlıqların, seçki qutularının bir məntəqədən digər məntəqəyə aparılmasının, səslərin hesablanması prosesində kənar şəxslərin iştirakı hallarının şahidi olmuş və bunları qeydə almışlar. P.Ayker demişdir ki, Azərbaycanda seçkiqabağı durum "düzgün" olmamışdır. Trend
[18.10.2003]   AŞ-ın fransalı müşahidəçisi: prezident seçkiləri ideal keçməyib
Daniel Gulye: İğtişaşların təşkilatçıları məhkum olunmalıdır
Azərbaycanda prezident seçiləri ideal keçməmiş, lakin müsbət olmuşdur. Bu barədə oktyabrın 17-də Bakıda mətbuat konfransında Avropa Şurasının Fransadan olan müşahidəçisi Daniel Gulye bəyan etmişdir. O, məlumat vermişdir ki, öz həmkarları ilə Masallıda, Lənkəranda və Astarada 30 seçki məntəqəsində olmuşdur, lakin ciddi qanun pozuntuları qeydə alınmamışdır. O, qeyd etmişdir ki, müşahidəçilər seçicilərin yüksək fəallığını xüsusi vurğulamış, lakin seçkilərin nəticələrinə təsir edəcək pozuntulara yol verilmədiyini bildirmişdir. D.Gulye həm də məlumat vermişdir ki, seçicilər arasında üsyana çağırışlar olan vərəqələr yaymağa cəhd edən "bəzi qüvvələr" nəzərə çarpırdı . Oktyabrın 15-16-da Bakıda baş vermiş iğtişaşlara toxunaraq, D.Gulye demişdir ki, bu vətəndaş qarşıdurmasının təşəbbüskarları məlumdur və onlar cəzalandırılmalıdır . O, bəyan etmişdir ki, iğtişaşların təşkilatçıları məhkum olunmalı və nə Avropa Şurası, nə də digər beynəlxalq təşkilatlar onları siyasi məhbus adlandıra bilməzlər, çünki "hər şey hamının gözü qarşısında baş verirdi". Trend
[17.10.2003]   Müsavatın 15 fəalına qarşı cinayət işi qaldırılıb
Çərşənbə günündən gümə axşamına qədər asayişi pozduqlarına və polisə müqavimət göstərdiklərinə görə Müsavatın 15 fəalına qarşı cinayət işi qaldırılıb.
Bu barədə Bakı Prokurorluğunun və Bakı Şəhər Baş Polis İdarəsinin dünən yaydıqları birgə xəbərdə bildirilib. Xəbərdə bildirilir ki, prezident seçkiləri başa çatdıqdan sonra Müsavat partiyasının 400 üzvü və fəalı partiyanın qərargahı qarşısına toplaşıb. "Seçkilərin nəticələrinə yekun vurulması başa çatdırılmazdan Müsavat üzvləri seçkilərin ədalətsizliyi və saxtalaşdırılması barədə əsassız bəyanatlarla çıxış ediblər". "Xəbərdarlıqlara baxmayaraq partiyanın fəalları hüquq-mühafizə orqanlarına tabelə olmayıblar və polisə daş, şüşə və dəmir əşyalar atıblar, onlara hücum ediblər. Nəticədə polisin 22 əməkdaşı müxtəlif dərəcəli bədən xəsarəti alıb, 6 nəfərinə isə sağlamlıqlarının ağır vəziyyəti ilə bağlı stasionar müalicə təyin edilib", - deyə press-relizdə bildirilir. Ekspress
[17.10.2003]   Prezident seçkilərinin ilkin nəticələri açıqlandı
BAŞ NAZİR İLHAM ƏLİYEV RƏQİBLƏRİNİ BÖYÜK SƏS ÇOXLUĞU İLƏ QABAQLAYARAQ AZƏRBAYCAN RESPUBLİKASININ PREZİDENTİ SEÇİLDİ
MSK sədri son məlumatları jurnalistlərin diqqətinə çatdıraraq bildirdi ki, indiyə qədər respublikadakı 5129 məntəqənin 4 min 673-dən nəticələr daxil olub ki, bu da ümumi məntəqələrin 91 faizindən artıqdır: "Seçkilərin, səsvermənin çox yüksək səviyyədə keçməsi ilə yanaşı, qeyd etmək istəyirəm ki, bu prosesdə müşahidəçilik missiyasını həyata keçirən Avropa Şurası Parlament Assambleyasının, ATƏT-in Demokratik Təsisatlar və İnsan Hüquqları Bürosunun, Müstəqil Dövlətlər Birliyi Parlamentlərarası Assambleyasının nümayəndə heyətlərinə, Azərbaycanda fəaliyyət göstərən diplomatik korpusun əməkdaşlarına, eləcə də kütləvi informasiya vasitələrinin nümayəndələrinə, ümumiyyətlə, fərdi müşahidəçilik missiyasını həyata keçirən vətəndaşlarımıza Mərkəzi Seçki Komissiyası adından öz minnətdarlığımı bildirirəm ki, öz vəzifələrini, əsasən, qanuna müvafiq şəkildə yerinə yetiriblər".
   M.Pənahov məntəqələrdə gün ərzində seçicilərin tam, azad və sərbəst şəkildə öz iradələrini ifadə etmələri üçün yaranmış şəraitin axıra qədər davam etdiyini söylədi, hələlik Mərkəzi Seçki Komissiyasına rəsmi müraciətlərin daxil olmadığını vurğuladı: "Hazırda əlimizdə olan nəticələr, yəni 4 min 673 məntəqədən daxil olmuş nəticələri "Seçkilər" İnformasiya Mərkəzindən sizə çatdırıblar. Mən həmin nəticələri bir daha elan etmək istəyirəm. Səslər aşağıdakı kimidir:
Əliyev İlham Heydər oğluna 2 milyon 283 min 820 seçici səs verib. Bu, səsvermədə iştirak edən seçicilərin 79,5 faizidir.
Hacıyev Hafiz Ələmdar oğluna 9 min 615 seçici səs verib. Bu, seçicilərin 0,33 faizidir.
Hacıyeva Lalə-Şövkətə 95 min 295 seçici səs verib. Bu, seçicilərin 3,32 faizidir.
Həsənquliyev Qüdrətə 13 min 226 seçici səs verib. Bu, seçicilərin 0,46 faizidir.
İsmayılov İlyas Abbas oğluna 23 min 579 seçici səs verib. Bu, seçicilərin 0,82 faizidir.
Qəmbər İsa Yunis oğluna 346 min 566 seçici səs verib. Bu, seçicilərin 12,06 faizini təşkil edir.
Məmmədov Etibar Səlidar oğlu 78 min 169 seçicinin səsini qazanıb. Bu, seçicilərin 2,72 faizidir.
Rüstəmxanlı Sabir Xudu oğluna 22 min 261 seçici səs verib. Bu, seçicilərin 0,78 faizidir.
   Bir daha diqqətinizə çatdırıram ki, bu, ilkin məlumatlardır. Məntəqələrin 91 faizindən daxil olan məlumatlardır. Məlumatlar daxil olmaqda davam edir. Yaxın saatlarda biz sizə bütün 5129 məntəqədən və xarici ölkələrdə fəaliyyət göstərmiş məntəqələrdən daxil olan nəticələrin hamısını çatdıracağıq".
   M.Pənahov dedi ki, ilkin nəticələrə görə, Əliyev İlham Heydər oğlu böyük səs çoxluğu ilə Azərbaycan seçicilərinin səsini qazanıb və hazırda prezidentliyə namizədlər arasında liderlik edir. Onun sözlərinə görə, yaxın günlərdə Mərkəzi Seçki Komissiyası məntəqələrdən daxil olan protokolları diqqətlə təhlil edərək araşdıracaq, eyni zamanda, komissiyaya daxil olan şikayətlərə ciddi şəkildə baxacaq: "Mən xalqımızın qarşısında söz verirəm ki, bu araşdırmalar çox şəffaf şəkildə həyata keçiriləcək. Kütləvi informasiya vasitələrinin nümayəndələri də bunu izləyə biləcəklər. Hər hansı bir məntəqədə səsvermənin nəticələrinə təsir etmək gücündə olan qanun pozuntusu halları meydana çıxacaqsa, biz həmin məntəqədəki nəticələri ləğv edəcəyik. Sizə indidən bildirirəm ki, qarşıdakı iki gün müddətində biz dairə seçki komissiyalarının protokollarını MSK-da araşdırarkən maraqlı tərəflərin hamısının, eləcə də kütləvi informasiya vasitələri nümayəndələrinin iştirakını təmin edəcəyik".
   MSK sədri 15 oktyabrdakı səsverməni Azərbaycan, eləcə də dünya ictimaiyyətinə çox operativ şəkildə çatdırdıqlarına görə jurnalistlərə öz minnətdarlığını bildirib: "Eyni zamanda, mən bizim yaratdığımız Müstəqil Mətbuat Mərkəzinin də müsbət fəaliyyətini qeyd edirəm. Onlara da öz minnətdarlığımı bildirirəm. Hesab edirəm ki, biz yaxın vaxtda rəsmi olaraq Azərbaycan prezidentinin seçilməsini sizin iştirakınızla böyük ruh yüksəkliyi ilə elan edəcəyik. Heç şübhəm yoxdur ki, xalqımızın seçdiyi şəxs ölkəmizin növbəti beş illik həyatında çox müstəsna rol oynaya biləcək".
   Axırda M.Pənahov jurnalistlərin çoxsaylı suallarına cavab verdi.
   15 oktyabr prezident seçkiləri arxada qaldı. Dünən Mərkəzi Seçki Komissiyasının (MSK) sədri Məzahir Pənahov "Seçkilər" İnformasiya Mərkəzində prezident seçkilərinin başa çatmasıyla bağlı mətbuat konfransı keçirdi. MSK sədri jurnalistlərə müraciətlə dedi ki, ötən gün xalqımızın tarixində əlamətdar hadisə baş verib, Azərbaycan Respublikası prezidentinin seçkiləri keçirilib: "Hesab edirəm ki, xalqımız, Azərbaycan seçiciləri özünün, ölkəmizin tarixinin şərəfli bir səhifəsini yazdı. Azərbaycan seçiciləri 44 mindən çox yerli, mindən yuxarı beynəlxalq müşahidəçinin, yüzlərlə xarici və yerli kütləvi informasiya vasitələri nümayəndələrinin gözü qarşısında mütəşəkkil, azad, sərbəst şəkildə özlərinin istədikləri namizədə səs verdilər. Səhər saat 8-dən axşam saat 19-dək seçicilərin 71 faizdən çoxu səs verdilər, sonra səsvermənin nəticələrinin hesablanması mərhələsi başlandı və müşahidəçilərin gözü qarşısında, bilavasitə onların iştirakı ilə səslərin sayılması prosesi həyata keçirilərək nəticələr arası kəsilmədən informasiya mərkəzinə daxil oldu və olmaqda davam etdi. Nəticələr operativ şəkildə Azərbaycan seçicilərinə, dünya ictimaiyyətinə mütəmadi olaraq çatdırıldı. Çünki məlumatlar daxil olan andan həm informasiya mərkəzinin, həm də Mərkəzi Seçki Komissiyasının İnternet saytına qoyulurdu". 525ci q əzet
[17.10.2003]   V.Putin İlham Əliyevi təbrik etmişdir
Rusiya prezidenti Vladimir Putin AR prezidenti seçkilərində qazandığı qələbə münasibətilə İlham Əliyevi təbrik etmişdir.
Təbrikdə deyilir:"Seçkilərdə inandırıcı qələbə göstərdi ki, Azərbaycan xalqı ölkənin inkişafı və onun xarici siyasət xətti üzrə Sizin təklif etdiyiniz proqramı dəstəkləyir". Rusiya dövlət başçısı iki dövlətin strateji maraqlarının üst-üstə düşdüyünü, Rusiya və Azərbaycan arasında dostluq və ənənəvi tərəfdaşlığın gələcəkdə möhkəmləndirilməsi üçün əlverişli imkanların mövcud olduğunu qeyd etmişdir. Təbrikdə daha sonra deyilir:"Bütün bunlar xalqlarımızın maraqlarına cavab verir və Qafqaz regionunda təhlükəsizliyin və inkişafın mühüm amilidir".  Trend
[17.10.2003]   Rəcəb Tayyib Ərdoğan İlham Əliyevi təbrik edib
Azərbaycan Respublikasının baş naziri cənab İlham Əliyevə
2003-cü il oktyabrın 15-də keçirilən Azərbaycan Respublikası Prezidentinin seçkilərində qələbə çalmağınız münasibətilə hökumətin adından və şəxsən öz adımdan Sizi səmimi qəlbdən təbrik edirəm. Türkiyə ilə Azərbaycan arasında həmişə mövcud olan, təməlli, güclü, tarixi və mədəni bağlara əsaslanan dostluq, qardaşlıq və əməkdaşlığın Zati-alinizin prezidentliyi dövründə daha da inkişaf edəcəyinə şübhəm yoxdur. Ölkələrimiz Şərqlə Qərbin qucaqlaşdığı, müxtəlif sivilizasiyaların bir-birini zənginləşdirdiyi önəmli bir qovşaq nöqtəsində yerləşir. Bizi bir-birimizə güclü şəkildə bağlayan ortaq tariximizdən və mədəni birliyimizdən aldığımız qüdrət, ölkələrimizin bundan irəli gələn ortaq öhdəliklərinin də birgə yerinə yetirilməsi üçün mühüm təminatdır. Qarşıdakı mərhələdə də Türkiyə və Azərbaycan arasındakı qardaşlıq münasibətlərinin və yaxın işbirliyinin bu təməl üzərində güclənərək inkişaf edəcəyinə inanıram. Zati-alinizə yeni vəzifənizdə uğurlar diləyir, bu fürsətdən istifadə edərək, dost və qardaş Azərbaycan xalqının xoşbəxtliyi və firavanlığı üçün ən səmimi arzularımı yetirirəm.
Rəcəb Tayyib Ərdoğan Türkiyə Respublikasının Baş naziri AzərTac
[17.10.2003]   Azərbaycan prezidentinin seçkiləri müstəqil və demokratik şəraitdə keçmişdir.
Bu barədə oktyabrın 16-da Bakıda mətbuat konfransında MDB-dən müşahidəçilər missiyasının rəhbəri, Birliyin icraçı katibi Yuri Yarov bəyan etmişdir. Onun dediklərinə görə, müşahidə zamanı həm seçki komissiyaları, həm də ayrı-ayrı partiyaların nümayəndələri tərəfindən bir sıra pozuntular aşkar edilmişdir. Y.Yarov qeyd etmişdir ki, bundan başqa, siyahılarda seçicilərin adlarının olmaması, məntəqələrdə çoxsayda seçicilərin növbədə durması problem yaradırdı, lakin bu kütləvi xarakter daşımırdı və müvafiq olaraq, seçkilərin nəticələrinə əhəmiyyətli təsir göstərə bilməzdi. MDB müşahidəçilər missiyasının başçısı hesab edir ki, ümumən seçkilər kəskin rəqabət şəraitində keçirdi və seçki qanunvericiliyinin normalarına uyğun idi. Seçki məcəlləsinə dair fikrini bildirən Y.Yarov demişdir ki, sənəd Avropa standartlarına uyğundur və ölkədə demokratik seçkilər keçirməyə imkan verir. O, sözünə davam edərək demişdir ki, MDB müşahidəçilərinin bu qiymətləndirməsi dövlət başçılarının müzakirəsinə təqdim ediləcək. MDB PA-dan müşahidəçilər missiyasının rəhbəri, Federasiya Şurasının MDB məsələləri üzrə Komitəsi sədrinin birinci müavini Konstantin Markelov bəyan etmişdir ki, müşahidəçilər belə bir vəziyyətin şahidi oldular ki, bəzi müxalifət partiyalarının nümayəndələri seçki məntəqələrində gərginlik yaratmağa cəhd edirdilər. Onun fikrincə, qanunvericilikdə bəzi problemlər mövcuddur, bunlar bu ilin noyabrında Sankt-Peterburqda MDB Parlamentlərarası Assambleyanın iclası zamanı parlament başçılarına baxılmaq üçün təqdim ediləcək. K.Markelov məlumat vermişdir ki, MDB-dən olan müşahidəçilər 1103 seçki məntəqəsində olmuşlar. Trend 
[17.10.2003]   Xarici ölkələrdəki vətəndaşlarımız İ.Əliyevə səs verib
 Oktyabrın 15-də ölkəmizin hüdudlarından kənarda yaşayan Azərbaycan vətəndaşları da prezident seçkilərinə qatılmışlar.
Xarici İşlər Nazirliyindən bildirmişlər ki, onlar Konstitusiya hüquqlarını həmin ölkələrdə fəaliyyət göstərən Azərbaycan səfirliklərində yaradılmış seçki məntəqələrində reallaşdırmışlar. Prezidentliyə namizəd İlham Əliyevə Avstriyada səsvermədə iştirak etmiş 62 seçicinin 34-ü, Birləşmiş Ərəb Əmirliklərində 86-dan 70-i, Belçikada 60-dan 44-ü, Çin Xalq Respublikasında 59-dan 56-sı, İran İslam Respublikasında 104-dən 82-si, Misir Ərəb Respublikasında 117-dən 83-ü, Pakistan İslam Respublikasında 41-dən 27-si, Rumıniyada 35-dən 33-ü, Səudiyyə Ərəbistanında 52-dən 45-i səs vermişdir. Azərbaycanın beynəlxalq təşkilatlardakı missiyalarında da vətəndaşlarımız öz səsvermə hüquqlarından istifadə etmişlər. Burada da İlham Əliyev inamlı qələbə qazanmışdır. Belə ki, Avropa Şurasında 21 seçicinin 20-si, BMT-nin İsveçrədəki bölməsində 59-dan 55-i Baş naziri dəstəkləmişdir. AzərTac
[17.10.2003]   Məhəmməd Xatəmi İlham Əliyevi təbrik edib
Azərbaycan Respublikasının baş naziri cənab İlham Əliyevə
Layiqli şəkildə Azərbaycan Respublikasının Prezidenti seçilməyiniz münasibətilə ölkənizin hökumətini və xalqını səmimiyyətlə təbrik edirəm. İran İslam Respublikası özünün qonşu ölkələrlə dinc yanaşı yaşamağa əsaslanan prinsipial siyasətində İran xalqı ilə mədəni, dini və tarixi ortaqlıqları olan Azərbaycan Respublikasına xüsusi yer verir. Ümidvaram ki, cənabınızın məsuliyyətli və əhəmiyyətli rəhbərliyi dövründə müstəqil Azərbaycan Respublikasını günbəgün artan inkişafa, tərəqqiyə çatdıracaq və iki qonşu, qardaş ölkənin bütün sahələrdə dostluq əlaqələrinin daha da dərinləşməsinin şahidi olacağıq. Əminəm ki, iki ölkənin yeni hərtərəfli və dostluq münasibətləri cənab Heydər Əliyevin Prezidentliyi dövründə bünövrəsi qoyulduğu kimi, daha dinamik və yüksələn xətlə inkişaf edəcəkdir. İran İslam Respublikası – Azərbaycan Respublikası əlaqələrinin üfüqlərində ikitərəfli, regional və beynəlxalq əməkdaşlığın inkişafı üçün böyük potensial imkanlar açılacaqdır. Təbii ki, cənabınızın verəcəyi dəstək sayəsində yeni dövr münasibətlərimiz daha dinamik və güclü olacaqdır. Sonda cənabınızı İran İslam Respublikasına səfərə dəvət etməklə, böyük Allahdan Sizə cansağlığı və günbəgün artan uğurlar, şərafətli Azərbaycan xalqına isə səadət və başucalığı diləyirəm.
Seyid Məhəmməd Xatəmi İran İslam Respublikasının Prezidenti AzərTac
[17.10.2003]   Nursultan Nazarbayev İlham Əliyevi təbrik edib
 Azərbaycan Respublikasının baş naziri cənab İlham Əliyevə
Hörmətli İlham Heydər oğlu! Azərbaycan Respublikasının Prezidenti kimi yüksək vəzifəyə seçilməyiniz münasibətilə Sizi Qazaxıstan xalqı adından və şəxsən öz adımdan təbrik edirəm. Seçkilərdə Sizin inamlı qələbəniz dəyişikliklər ölkənin xəttinə, atanız möhtərəm Heydər Əlirza oğlunun qətiyyətlə və ardıcıllıqla apardığı dövlətçiliyin və inteqrasiyaların möhkəmləndirilməsi siyasətinə sadiqliyinə sübutdur. Siz xalqın nüfuz və hörmətini qazanaraq, yüksək etimad əldə etmisiniz və şübhəsiz, bu etimadı şərəflə doğruldacaqsınız. Əmin olduğumu bildirirəm ki, dövlətlərimizin dostluq münasibətlərinin inkişafı yeni təkan alacaq, qarşılıqlı surətdə faydalı əməkdaşlığımız isə xalqlarımızın rifahı naminə möhkəmlənəcək və inkişaf edəcəkdir. Sizə uğurlar, Azərbaycan xalqına sülh və tərəqqi arzulayıram!
Hörmətlə, Nursultan Nazarbayev Qazaxıstan Respublikasının Prezidenti Xəbər.net
[17.10.2003]   Kessler: Seçkilər beynəlxalq standartlara o qədər də uyğun deyildi
Azərbaycanda prezident seçkiləri beynəlxalq standartlara bir o qədər də uyğun deyildi.
Bu barədə oktyabrın 16-da mətbuat konfransında ATƏT-in Parlament assambleyasının müşahidəçilər missiyasının başçısı Covanni Kessler bəyan etmişdir. Onun dediklərinə görə, səslərin hesablanması və onların cədvəllərə köçürülməsi zamanı saxtakarlıqlara yol verilmişdir, polis tərəfindən zorakılıq halları olmuş və zorakılığa çağırışlar səslənmişdir. Həmçinin hədə-qorxu gəlmiş, bir sıra yerli müşahidəçilərin qısamüddətli həbsləri baş vermişdir, müxalifət partiyalarının mitinq və piketləri məhdudlaşdırılmışdır. C.Kessler qeyd etmişdir ki, prezidentliyə namizədlərə dövlət televiziyasının efirində müəyyən vaxt verilməsini çıxmaq şərtilə, ümumilikdə bütün prezidentliyə namizədlərə seçkiqabağı kampaniya üçün bərabər şərait yaradılmamışdır. C.Kessler həmçinin seçkilərin müsbət tərəflərini də qeyd etmişdir, bunlar "real seçki kampaniyasının" yaradılması, seçicilərin fəal iştirakı və onların azad səs verməsi, müxalifətin iqtidarı tənqid etmək imkanı əldə etməsi , MSK tərəfindən səsvermənin nəticələri haqqında informasiyanın şəffaf çatdırılmasıdır. Bundan başqa, yeni Seçki məcəlləsi qəbul edilmişdir, onun "düzgün icra icra edildiyi halda, seçkiləri saxtakarlıqlara yol vermədən keçirmək olar". Trend
[17.10.2003]    İlham Əliyevi təbrik edib
Azərbaycan Respublikasının baş naziri cənab İlham Əliyevə
2003-cü il oktyabrın 15-də keçirilmiş seçkilərdə qələbə qazanaraq, Azərbaycan Respublikasının Prezidenti vəzifəsinə seçilməyiniz münasibətilə Zati-alinizi türk milləti və şəxsən öz adımdan səmimi təbrik edirəm. Sizin liderliyiniz altında dost və qardaş Azərbaycanın tərəqqi və müasirləşmə yolunda sürətlə irəliləyərək, beynəlxalq səviyyədə örnək göstərilən uğurlara imza atacağına, ölkələrimiz arasında olan yaxın münasibətlərin bütün sahələrdə güclənərək inkişaf edəcəyinə ürəkdən inanıram. Türkiyə və Azərbaycan regionumuzun yüksəlişində ortaq siyasət yürüdür. Şərqlə Qərb arasındakı qovuşma yolunda üzərimizə götürdüyümüz ortaq öhdəliklərin yeni vəzifəniz dövründə aramızdakı əməkdaşlığı daha da möhkəmləndirəcəyinə əminəm. Bu fürsətdən istifadə edərək, Zati-alinizə cansağlığı və xoşbəxtlik arzu edir, dost və qardaş Azərbaycan xalqının yüksəliş və əmin-amanlığı üçün ən səmimi arzularımı bildirirəm. Əhməd Necdət Sezər Türkiyə Respublikasının Prezidenti  AzərTac
[16.10.2003]    Etibar Məmmədov seçkilərin nəticələrini tanımadqıları barədə bəyanat yayıb
Milli İstiqlal partiyası bu gün bəyanat yayaraq 15 oktyabr prezident seçkilərinin nəticələrini tanımadıqlarını bildiriblər.
Bəyanatda seçkilərin qeyri-demokratik, polis və mülki geyimli naməlum şəxslərin basqısı altında, zorakılıq və kobudluq şəraitində keçdiyini qeyd edilir. Müəlliflər seçki prosesinin bütün mərhələlərində demokratik və bərəbər rəqabət prinsiplərinin ən kobud şəkildə pozulduğunu bildirirlər. Sənəddə İlham Əliyevin baş nazir olduğu halda prezidentliyə namizəd kimi seçkilərə qatılması və Mərkəzi Seçki Komissiyasının (MSK) bu faktla bağlı Konstitusiya Məhkəməsinə (KM) müraciət etməməsini ən kobud qanun pozuntusu sırasında göstərir. Daha sonra sənəddə səsvermə prsoesinin gedişində baş verən pozuntular - bülletenlərin topa-topa seçki qutularına salınması, müxalifətdən olan müşahidəçilərə və komissiya üzvlərinə təzyiqlər və onların seçki məntəqələrindən zorakılıq yolu ilə uzaqlaşdırılması, icra strukturlarının seçki prosesinə müdaxilə etməsi və s. sadalanır. Bütün deyilənləri əsas götürən müəlliflər bir daha seçkilərin azad, ədalətli və demokratik olmadığını vurğulayırlar. Xalq Cəbhəsi (islahatçılar) partiyası da bu gün bəyanat yayaraq seçkilərin nəticələrini tanımadıqlarını bildiriblər Turan
[16.10.2003]    Azadlıq Meydanından polisin ciddi cəhdi ilə çıxarılan müxalifət nümayəndələri Sahil bağı ilə Türkiyə səfirliyinin arasında mitinqinə davam etdirmək istəyir.
Amma burdan da polis və xüsusi təyinatlılar tərəfindən təzyiqə məıruz qalanlar qrup halında Nizami küçəsinə (Tarqovi) girdilər. Buradan Fəvvarələr Meydanına keçən müxalıfətçilər İlham Əliyevin posterlərini dağıdır. Onlar bildoardları sındırırlar. Polisdən qaçan bir qrup aksiya iştirakçısı metroya doluşaraq aradan çıxmaq istəyir. Bölgəyə polis və ordu birləşmələrin göndərilir. Polis ətraf yerlərlə əlaqəni kəsib. Yol hərəkəti nizamlanmağa çalışılır Xəbər.net
[16.10.2003]   İSA QEMBER QALİB GELDİ!
Nüfuzlu CNN telekanalı da başqanın böyük üstünlükle prezident seçildiyini elan etdi
Dünen minlerle insan “Bizim Azerbaycan” Blokunun lideri, Müsavat Partiyasının başqanı İsa Qemberin Azerbaycanın prezidenti seçilmesini qeyd etmek üçün Müsavat Partiyasının qarşısına toplaşmışdı. Total seçki saxtakarlığı xalqın qezebine sebeb olsa da, vetendaşlarımızın qelebe ezmini qıra bilmemişdi. Azerbaycanın yeni prezidenti İsa Qember saat 20.25 radelerinde Müsavat Partiyasının qerargahına daxil olarken minlerle insan onu coşqu ile qarşıladı. “İ-sa bey, İ-sa bey” şüarları “Azerbaycan” prospektini başına götürdü.

Qelebe mitinqinde ilk sözü Müsavat başqanının müavini, “Yeni Müsavat” qezetinin baş redaktoru Rauf Arifoğlu söyledi: “Saxtakarlıq edenler indi bilmirler ki, ne etsinler. Bütün menteqelerde düşünürler ki, güc vasitesile istedikleri reqemi yaza bilecekler. Amma bu da mümkün deyil. Biz bu gece burdayıq, Azerbaycanın keşiyindeyik! Onun yeni cümhurbaşqanının keşiyindeyik! Azerbaycanın geleceyinin keşiyindeyik! Eşq olsun size, eşq olsun Azerbaycana, eşq olsun Azerbaycanın yeni prezidenti İsa Qembere!”

 Qeyd edek ki, eraziye gelen polisler derhal Müsavat Partiyasının qerargahı istiqametinde gelen küçelerde kordonlar qurmağa başladılar. Bununla bele insan axını davam edirdi. Sonra Demkonqresin Türkiye temsilçisi Xanım Xelilova çıxış etdi. AXCP sedri Mirmahmud Mirelioğlu Müsavat Partiyasının qerargahına daxil oldu. Qelebe izdihamı AXCP sedrini “Elçibey, Elçibey” şüarları ile salamladı.
Daxil olan protokollara göre İsa Qemberin qelebe çaldığını söyleyen İbrahim bey reqemleri vaxtaşırı izdihamın nezerine çatdıracağını bildirdi: “Kelbecer dairesinde 3 saylı menteqede İsa Qember 152, İlham Eliyev 118 ses, hemin dairenin 4 saylı menteqesinde İsa Qember 131, İ.Eliyev 124 ses...”

Xalq şairi Ramiz Rövşen ve professor Kamil Veli Nerimanoğlu çıxış etdikden sonra Ümid Partiyasının sedri, millet vekili İqbal Ağazade insan seline qatıldı. O, “İsa bey, İsa bey” sedaları altında, özü de bu şüarı seslendire-seslendire qerargaha daxil oldu. Daha sonra meydana AXP sedri Penah Hüseynov daxil oldu. İbrahim İbrahimli daxil olan protokolların neticelerini elan etdi: “Kelbecerden 1 saylı menteqede 251 ses İsa Qember, 119 ses ise İlham Eliyev alıb. Tovuzun Qovlar kendindeki 28-ci menqteqeden daxil olan protokola göre, 280 ses İsa Qembere, 120 ses İlham Eliyeve verilib. Qovların 19-cu menteqesinde 254 nefer İsa Qembere, 166 nefer başqalarına ses verib.” Hüquq müdafieçisi Novella Ceferoğlu bildirdi ki, bütün menteqelerde total saxtakarlıq gedib: “Men hüquq müdafieçisi kimi hesabat verirem. Bu gün men hamıdan xahiş edirem konstitusiya hüququnuzu müdafie edin. Bu gün milyona qeder insanın ses vermek imkanı olmayıb, onlar mehkemelerin qarşısında mübarize aparıblar.” Xalq artisti Flora Kerimova çıxışında bildirdi ki, milleti bura gelmeye qoymurlar: “Polisler orada siper çekibler. Bu gün olum, ya ölümdür. Qeyretinizi çağırıram. Hamımız belli saatı gözleyirik. Belli saatda başqan size müraciet edecek. Biz bu saat vetenimizi, özümüzü müdafie edirik.” Bu anda polisler meydana toplaşan insanların üzerine hücum çekdiler. Deyenekli ve debilqeli, zirehli geyimli polisler insanları döymeye, qerargaha doğru sıxışdırmağa başladılar. Bununla bele müsavatçılar meydanı boşaltmadılar. Hücumun neticesiz olduğunu gören polis geri çekildi. Sonra mitinq davam etdi.

Ümid Partiyasının sedri, millet vekili İqbal Ağazade xalqı bu yoldan heç ne döndere bilmeyeceyini söyledi: “Bu yolları çox kesmek istediler, kesilmedi bu yol. Bu yol on ildir Azerbaycanın müqeddes amalına doğru gelir. Bu yolu kimse kese bilmez. Her hansı PKK-çı, terrorçu, mafiya bu yolu kese bilmez.” İ.İbrahimli Müsavat başqanının çox böyük üstünlükle qalib geldiyi menteqelerin bir neçesini sadaladıqdan sonra “İsa bey” hayqırtıları ucaldı. İbrahim bey “hazırda Azerbaycan Respublikasının prezidenti İsa Qember öz otağında metbuat konfransı keçirerek qelebemizi dünyaya elan edir” deyende bu hayqırtılar daha gur seslendi. Polis rehberliyi ireli gelib mitinq iştirakçılarından dağılmağı teleb etse de kimse dağılışmaq qerarını eşitmek bele istemirdi. İsaxan Aşurovun onlarla söhbeti zamanı polis rehberliyinden birinin güle-güle “sabaha mitinq teyin edibsiniz de, gedin sabah gelin” demesi de sert qarşılandı. İnsanlar halal sesleri elan olunmayınca meydandan dağılmayacaqlarını bildirdiler. “Sahil” metro stansiyasının qapadıldığından xeber tutduq. Öyrendik ki, döyülenler arasında İlham İsmayıl, Şemistan Elizamanlı da var. Onlar Müsavat önünen gelmek isteyende qoçu destelerinin qezebine tuş gelib.

“Can Azerbaycan” musiqi sedaları altında reqs edenler arasında tek ayaq üstünde oynayan Qarabağ qazilerini görende milletimizin nece böyük qüdrete malik olduğunu görürdük. Şemistan beyin “Esger marşı”nın, az sonra “Çırpınırdı Qara deniz” mahnısının sedaları yayıldı. 23.57-de İ.İbrahimli SNN-in melumatını yaydı. Nüfuzlu telekanal İ.Qemberin Azerbaycan prezidenti seçildiyini elan edib. Bu xeber meydanı lerze getirdi. İnsanların fereh hissi aşıb-daşır. Hamı qelebe müjdesine oynayır. Amerikadakı Azerbaycan diasporasının, Almaniyadakı Azerbaycan diasporasının İsa beyi tebrik etdiyi barede İbrahim beyin melumatı bu izdihamı daha da coşdurdu. Saat 00.04-de İ.İbrahimli çox böyük şövqle qarşılanan bir melumatı verdi. ADP hemsedri Resul Quliyevin Müsavat başqanına ünvanlı “eziz ve hörmetli cümhurbaşqanım” sözleri ile başlayan tebrik teleqramında Resul bey Azerbaycan xalqına gözaydınlığı verirdi. İsa beyi prezident seçen xalqa teşekkürünü bildiren başqan müavini Arif Hacılı çıxışında Azerbaycanın bütün bölgelerinde İsa beyin qelebesi münasibetile bayram tedbirlerinin keçirildiyini dedi: “Sabah bütün Azerbaycan Azadlıq meydanı olacaq” deyende “İsa bey” hayqırtıları ile meydanı lerzeye getiren alqışlar qopdu. Bu arada işıqları söndürdüler. İ.İbrahimli heç kesi narahat olmamağa çağırdı ve bildirdi ki, hakimiyyet onları provakasiyaya çekmek isteyir. Bundan sonra meydan ehli Müsavatın himnini oxumağa başladı.

Saat 00.15. AZERBAYCAN RESPUBLİKASININ PREZİDENTİ İSA QEMBER “İsa bey” hayqırtılı insanların qarşısında çıxış etdi. Bu qelebenin milyonlarla insanın ses hesabına mümkün olduğunu deyen İsa bey “eşq olsun xalqımıza” dedi. İsa Qember bildirdi ki, bu aksiya seçkinin real neticelerinin açıqlanması ve milletin bayram etmesi üçündür: “Biz dinc nümayiş keçiririk. Bu, seçkinin heqiqi neticelerini bilmek uğrunda bir addımdır. Hakimiyyet uduzluğunu derk edir ve ona göre de camaatın bura toplaşmasını, heqiqeti eşitmek istemesinin qarşısını almaq, öz yalan neticelerini elan etmek isteyir. Buna göre de sizin bu fedakrlığınız çox qiymetlidir. Ancaq eyni zamanda heç bir başqa addımdan söhbet gede bilmez. Bizim meramlarımız, xalqın sesinin, heqiqetin gerçekleşmesi, hakimiyyetin saxtakarlığının qarşısının alınmasıdır. Buna dinc addımlarımızla, dinc nümayişlerimizle nail olacağıq, heqiqet, demokratiya, xalqın sesleri uğrunda mübarizemiz davam edecek. Sabahkı addımlarımız barede size melumat verilecek. Ancaq bir daha tekrar edirem ki, bütün bu addımlar dinc nümayişler, dinc mitinqlerden ibaret olacaq. Sabaha mitinqimiz planlaşdırılır. Bu barede elave melumat verilecek. İndi ise sizden xahişim odur ki, hamı sakitliyi qorusun, heç bir elave herekete yol verilmesin.” İsa bey hakimiyyet nümayendelerine, polislere müraciet etdi: “Yene de hakimiyyet polisden xalqla özü arasında qalxan kimi istifade edir. Buna heç bir ehtiyac yoxdur. Bizim heç bir başqa niyyetimiz yoxdur. Biz özümüze arxayınıq, bilirik ki, xalq bize ses verib ve xalqın verdiyi bu ses gerçekleşmelidir. Xalqın iradesi gerçekleşmelidir ve biz buna dinc mübarizemizle nail olacağıq. Ona göre de xahiş edirem ki, polisin hansısa üzvleri texribata el atarlarsa, diqqetli olun, heç bir qarşıdurmaya ehtiyac yoxdur. Biz neticeler geldikce size melumat vereceyik ve sonrakı addımlarımız baresinde de melumatlar verilecek.” İsa Qember çıxışını bele yekunlaşdırdı: “Emin olun ki, bu mübarize xalqın qelebesi - bizim qelebemizle başa çatacaq. Xalq eger meni prezident seçibse, men de prezidentem, başqa cür ola bilmez! Mübarizemiz davam edir, qelebe xalqındır. Eşq olsun sizlere!” (Qeyd edek ki, İsa bey çıxış ederken Piter Ayker de onu dinleyirdi.) 00.36. Polis reisi Nazim Nağıyev meydana müraciet ederek “qanuni” tedbirler görüleceyini beyanlayır. 00.47. Melumat gelir ki, AMİP-in sıravi üzvleri de Müsavat qerargabı önüne gelir.
00.53. ATET-in nümayendeleri polisle camaat arasında dayanıb ve onları qarşıdurmadan çekinmeye çağırır. 00.55. Minlerle polis bir göz qırpımında insanların üstüne cumdu. Ele bil ki, qefil tufan qopdu. Mülki geyimli qoçu destelerine bir para vehşileşmiş polis de qoşulmuşdu. Onlar adamları vehşicesine döyür, bayraqları alıb cırır, maşınları, qerargahın şüşelerini sındırırdılar. İbrahim İbrahimli, Flora xanım haray salıb polisleri qan tökmemeye, qardaş qırğınından çekinmeye çağırsa da, xeyri olmadı. Xeyli insanı sürüyerek namelum istiqamete apardılar. Bu setirleri yazarken saat 01.30-dur. Döyüş sengiyib... Mübariz CEFERLİ, Elşad PAŞASOY Son anda: Zorakılıq aktı zamanı bir neferin helak olduğu barede melumat aldıq. Şexsiyyetini deqiqleşdirmeye çalışırıq. ATET-in müşahideçiler missiyasının rehberi Piter Ayker de polis terefinden döyülenler arasındadır. Bundan başqa, “Milli Yol” qezetinin redaktoru Mehemmed Ersoy, hemin qezetin emekdaşı Novruz Qeriboğlu ağır veziyyetde Musa Nağıyev adına Tecili Yardım Xestexanasına aparılıb. Yeni Msavat
[16.10.2003]   İlham Əliyev seçicilərin 82 faizdən çox səsini toplayıb
Mərkəzi Seçki Komissiyası 15 oktyabr prezident seçkilərinin ilkin nəticələrini elan edib.
Dünən saat 00.50-də ilkin nəticələri elan edən MSK prezidentliyə namizəd, baş nazir İlham Əliyevin böyük səs çoxluğu ilə rəqiblərindən öndə getdiyini bəyanlayıb. MSK-nın “Seçkilər” İnformasiya Mərkəzinin məlumatına görə, İlham Əliyev seçicilərin 82,76 faiz səsini toplayaraq rəqiblərini üstələyib. Seçkidə ikinci nəticəni isə Müsavat başqanı İsa Qəmbər göstərib. Belə ki, o, seçkilərin 9,28 faiz səsini toplamağa müvəffəq olub. Digər namizədlər Lalə Şövkət Hacıyeva 2,73, Qüdrət Həsənquliyev 1,16, Etibar Məmmədov 2,8, Sabir Rüstəmxanlı isə 0,98, Ədalət Partiyasının sədri İlyas İsmayılov 1,1, Hafiz Hacıyev 0,26, faiz səs toplayıb. Olaylar
[16.10.2003]   Prezident seçkiləri azad, ədalətli, demokratik və şəffaf keçib
Bunu Yeni Azərbaycan Partiyasının icraçı katibi respublika prezidentliyinə namizəd İlham Əliyevin vəkili Əli Əhmədov oktyabrın 15-də partiyanın qərargahında keçirdiyi mətbuat konfransında bildirmişdir.
O demişdir ki, YAP-ın 18 mindən çox nümayəndəsi 124 dairə və 5 mindən yuxarı məntəqədə müşahidəçi kimi iştirak etmiş və onların verdikləri operativ məlumatlarda seçkilərin yüksək fəallıq şəraitində keçdiyi bildirilir. Seçicilərin 71 faizdən çoxunun bu seçki prosesində iştirak etməsinin seçkilərin demokratik, şəffaf və ədalətli keçirilməsi üçün yaradılmış şərait və Prezident Heydər Əliyevin siyasi xəttinin davam etdirilməsi ilə bağlı olduğunu diqqətə çatdıran Əli Əhmədov vurğulamışdır ki, seçki kampaniyası dövründə prezidentliyə namizəd İlham Əliyevin keçirdiyi görüşlərə 600 min, onun vəkillərinin iştirak etdiyi tədbirlərə isə 3,2 milyondan çox seçici qatılmışdır. İcraçı katib seçki zamanı müxalifət qüvvələri tərəfindən törədilən bəzi qanun pozuntularına da toxunaraq bildirmişdir ki, daxil olan məlumatlara görə, AXCP, Müsavat, AMİP və ADP-dən seçki komissiyalarında təmsil olunan müşahidəçilər prezident seçkilərində onların namizədlərinin məğlub olacağını əvvəlcədən hiss edərək, vəziyyəti öz xeyirlərinə dəyişmək üçün müxtəlif xarakterli qanunazidd hərəkətlərə yol vermişlər. Müxalifət partiyalarının nümayəndələri Seçki Məcəlləsinin tələblərini pozaraq, seçki məntəqələrinə gələn seçicilər arasında təşviqat aparmış və seçicilərə müəyyən vasitələrlə təzyiq göstərməyə çalışmışlar. Bəzi məntəqələrdə müxalifəti təmsil edən müşahidəçilərin süni qarşıdurma yaratmaq cəhdləri qeydə alınmışdır. Seçkilərdə məğlubiyyətini aydın görən müxalifət partiyalarının funksionerləri seçkilərin nəticələrini zorla dəyişdirməyə, qarşıdurma yaratmağa ünvanlanmış çağırışlar etməklə, özlərinin demokratik davranış normaları ilə bir araya sığmayan fəaliyyətə üstünlük verdiklərini bir daha sübuta yetirmişlər. Ə.Əhmədov xatırlatmışdır ki, Seçki Məcəlləsinin tələblərinə görə, seçkilərə 24 saat qalmış təşviqat dayandırılmalıdır. Lakin Seçki Məcəlləsinin tələblərini pozmağa adət etmiş Müsavat Partiyasının prezidentliyə namizədi İsa Qəmbər öz ənənəsinə sadiq qalaraq, oktyabrın 14-də İranın “Səhər-2” dövlət televiziyasının proqramına saatyarımlıq təşviqat xarakterli müsahibə vermişdir. Seçkilərə bir gün qalmış, Seçki Məcəlləsi ilə təşviqatın qadağan olunduğu bir vaxtda, Azərbaycanın müəyyən hissəsində izlənilməsi mümkün olan “Səhər-2” telekanalının prezidentliyə namizəd İsa Qəmbərin təbliğatını aparması seçki kampaniyasının gedişinə müdaxilə olmaqla bərabər, Azərbaycanın mətbuatında İsa Qəmbərin İranın xüsusi dairələri ilə yaxın münasibətdə olması barədə mütəmadi yayılan məlumatların təsdiqinə xidmət edən fakt kimi dəyərləndirilə bilər. İranın dövlət televiziyasında bu cür verilişin efirə getməsi bizim partiyanın çoxminli üzvünü təəssüfləndirir. İçracı katib seçki prosesində müxalifətdən olan nümayəndələr, onların vəkilləri və partiya üzvləri tərəfindən qanun pozuntuları barədə əldə olunan məlumatlardan bir qismini də açıqlamış, Müsavat Partiyasının başqanı İsa Qəmbərin təsisçisi olduğu “Yeni Müsavat” qəzetində oktyabrın 14-də və 15-də onu təbliğ edən materiallar dərc olunduğunu söyləmişdir. Ə.Əhmədov demişdir ki, azad, demokratik və şəffaf şəraitdə keçirilən prezident seçkilərinin nəticələrini şübhə altına almağa çalışan və qarşıdurma yaratmağa cəhd edən müxalifətin qanunazidd hərəkətlərinin qarşısı qətiyyətlə alınacaqdır. Sonra yerli və xarici jurnalistlərin suallarına cavab verilmişdir. AzərTac
[16.10.2003]   Seçkilər xarici müşahidəçilərin gözü ilə
Azərbaycandakı prezident seçkiləri çoxsaylı xarici müşahidəçilər tərəfindən izlənilir.
Onların seçki prosesi ilə bağlı fikirləri demək olar ki, eynidir. Xarici müşahidəçilər seçkilərin demokratik şəraitdə keçirildiyini bildiriblər. ABŞ-ın respublikamızdakı səfiri Reno Harnişin sözlərinə görə, respublikamızın bütün bölgələrində seçkinin gedişini ABŞ səfirliyinin könüllü müşahidəçiləri izləyir və onlardan qanun pozuntusu ilə bağlı heç bir məlumat almayıb. Seçki prosesində təşkilati problemlərin olduğunu deyən AŞ PA-nın Azərbaycan üzrə həmməruzəçisi Andreas Qrossun sözlərinə görə, öz ölkəsində siyasətlə məşğul olanda onların seçkilərə bu qədər diqqət göstərdiyini görməyib: “İnsanlar ümid bəsləyirlər. Onlar seçkiyə gəlməkdən və səs verməkdən xoşlanırlar. Buradakı insanlar daha çox hörmətə layiqdirlər”. ATƏT-in rumıniyalı müşahidəçisi Loridze Skalidçen gün ərzində 35 məntəqədə olub. O, Azərbaycandakı seçkilərin demokratik şəkildə keçirildiyinə əmin olduğunu bildirib. Müşahidəçi məntəqələrdə bir sıra nizamsızlıqlarla üzləşdiyini deyib. Bu nizamsızlaqların böyük qismi isə seçicilərin öz adlarını siyahılarda tapmaması ilə əlaqəlidir. Rusiyalı müşahidəçi Vladimir Boqdanov Azərbaycandakı prezident seçkilərini MDB üçün nümunəvi hesab edib: “Mənim seçkilərdən çox xoşum gəldi. Seçkilər çox sakit keçib. Bu gün çoxlu polislər olsa da, onlarda silah yox idi. Seçicilərin aktivliyi göstərdi ki, əhali sabitlik istəyir. Bu baxımdan, Azərbaycan MDB ölkələri üçün nümunə ola bilər. Azərbaycandakı seçkilər Rusiyadakından da demokratik və sakit keçib”. Bolqarıstanlı müşahidəçi Aleksandr Petrovun qənaətincə isə, MSK seçkilərə hazırlıq mərhələsini uğurla aparıb və bu, özünü seçkilərin gedişində də göstərib. Onun sözlərinə görə, seçkilər sakit keçib: “Xarici müşahidəçilərin çoxluğu işin xeyrinədir. Seçkilər o vaxt demokratik olur ki, insanlar məntəqələrə gedir və nə istədiklərini bilirlər”. O, seçkilər zamanı yaranmış problemlərin məntəqələr bağlı olandan sonra üzə çıxacağını da istisna etməyib və MSK-nın Mərkəzi Aparatının və İnformasiya Mərkəzinin fəaliyyətini yüksək qiymətləndirib. Olaylar
daha çox oxuyun    [1] [2] [3] [4] [5] [6] [7] [8] [9]
"SMILE" informasiya mərkəzi
əlaqə telefonları: 658-182; 652-652; admin@secki.info